‘Hnehna Kawnghren’ tih lehkhabu Zothanmawia (Pu ZoVa), Electric Veng, Aizawl ziah chu March ni 18, 2023 (Inrinni) khan Mizo Award dawngtu Dr. Tawnênga chuan PUC Seminar Hall-ah a tlangzarh.
He lehkhabu tlangzarh inkhawm hi R. Malsawmdawngkima’n kaihruaiin T.S. Khupchong chuan lehkhabu thlirlawkna a nei a. Zai, hlahril chham leh thusawi bengvarthlak tak takte ngaihthlak tur a awm bawk a ni.
He lehkhabuah hian hlahril (poetry) 60 awmin thutluang (prose) 10 a awm a. He lehkhabu tlangzarahtu Dr. Tawnênga chuan eirukna leh hlemhletna do kawng thlenga lehkhabu ?angkai tak a nih ngei a beisei thu a sawi a. Lalhruaitluanga Chawngte chuan, “He lehkhabuah hian Thu leh Hla a awm a; chhiar a nuam a, a ngaihnawm ka ti, a tunlai ka ti. Thu leh hla lama tuite chauh ni lovin, tui ve lem lote tan pawha ngaihnawm ti taka chhiar theih tur chi a ni,” tiin he lehkhabu chungchang hi a sawi bawk.
He lehkhabu ‘Hnehna Kawnghren’ tih hi In Lehkha Publishing-te publish niin, an dawr leh lehkhabu dawr hrang hrangah lei theihin a awm tawh bawk a ni.
‘Hnehna Kawnghren’ tlangzarh
Get real time updates directly on you device, subscribe now.
Prev Post