Home hotu in pawl aiawhte kawm

Home hotu in pawl aiawhte kawm
Mizoram Home commissioner H Lalengmawia chuan Ningani khan Mizorama tlawmngai pawl hrang hrang, sawrkar hotute leh Mizorama Manipuri/Meitei aiawh All Mizoram Manipuri Association hruaitute a kawm.
Manipur-ah Zohnahthlak hnam hrang hrangte leh Meitei-te inkara harsatna thleng mekah Mizoram atangin Manipura lehkhazir leh hna thawk engemawzat an awm bakah Zohnahthlak Manipur-a chengte harsatna tawh chu Mizoram sawrkar chuan a hriatpui a. Sawrkar leh sawrkar inbe tawnin, he harsatna chinfel a nih a, Manipur-ah remna leh muanna a awm theihna’n leh, Zofate himna turin sawrkar chuan hma a la tih sawiin, Home commissioner hian Central YMA, MZP, MUP leh Home Department hotute a titi pui a ni.
All Mizoram Manipuri Association hruaitute pawh kawmin, Mizorama Meitei-te himna turin sawrkarin hma a la tih a hriattir a. District tina DC leh SP te pawh thil duhawm lo a thlen lohna’n hma la turin a hriattir tawh tih a sawi a ni.