Hot 100-ah Bruno Mars “I Just Might” a No.1 leh ta

Hot 100-ah Bruno Mars “I Just Might” a No.1 leh ta
Bruno Mars hla hit “I Just Might” chu Billboard Hot 100 (US singles) chart-ah a No.1 a, he chart-ah hian a zawn lovin kar thum a No.1 tling ta. Hetihrual hian a hla dang “Risk It All” pawh top 5-ah a lang a, PinkPantheress & Zara Larsson ‘Stateside’ pawh top 10-ah a lang.
Billboard Hot 100 chart hi kar khat chhunga US-a hla lar dan tehna niin, chart ranking siam nan hian all-genre US streaming (official audio leh official video), radio airplay leh sales data te chu tehna pawimawh a ni.
Bruno Mars “I Just Might” hian kar khat chhungin US-ah stream maktaduai 18 leh radio airplay ngaithlatu maktaduai 72.5 bakah sales 6,000 neiin, No.1 a ni a, a zawn lovin kar thum chhung chart-ah a No.1 tling ta.
Bruno Mars hla dang “Risk It All” chu No.4 a kai a, a pahnih hian a album thar ‘The Romantic’ atanga a single ve ve a ni.
Ella Langley “Choosin’ Texas” chu No.1 atangin No.2-ah a tawlh a, Olivia Dean “Man I Need” pawh No.2 atangin No.3-ah a tawlh a, chart No.1 hlui Alex Warren “Ordinary” chu No.3 atangin No.5-ah a tawlh ta bawk.
Chart No.1 hlui Taylor Swift “Opalite” chu No.4 atangin No.6-a a tawlh ve thung.
PinkPantheress leh Zara Larsson “Stateside” chu No.13 atangin No.7-ah a invawrh a, he hla hi nikum April thla khan PinkPantheress album ‘Fancy That’ album atanga a single niin, solo-in a tichhuak a, April thlaah Larsson remix a chhuak leh a, a remix hi nikum October thlaa PinkPantheress album ‘Fancy Some More?’-ah a telh leh bawk.
‘Stateside” hi US ice skater Alysa Liu-i’n thla kalta khan Milano Cortina Winter Olympics-ah gold medal dawn nena a performance music-ah a hmang a, a music video-a PinkPantheress choreography pawh a hmang tel nghe nghe a, hei hian a hla hi a rawn tilar thar leh ta a ni.
Chart No.1 hlui bawk HUNTR/X “Golden” chu No.6 atangin No.8-ah a tawlh a, chart No.1 hlui tho Taylor Swift “The Fate of Ophelia’ chu No.7 atangin No.9-ah a tawlh sombr “Back to Friends” chu No.9 atangin No.10-ah a tawlh ta bawk.