HPC Lunglei-in umzui tur thlir

HPC Lunglei-in umzui tur thlir
Vawiin khan Lunglei High Powered Committee (HPC) chu vice chairman, V Malsawmtluanga MLA hoin an thukhawm.
Lungleia lirthei dahna tur, multi level car & smart parking mamawh phuhrukna tur chungchangah UD&PA-in PMJVK hnuaia Lunglei Govt College bula public car parking sakna tur an rawtna leh DC office-in SASCI hnuaia Lunglei DC office complex-a lirthei hunna tur in sak rawtna a theh luh tawh chu a hlawhtlin theih nan HPC atangin chak taka umzui nise, an ti a. Khawpui chhung lirthei chet velna chep lutuk tur tihthawlna leh lirthei tlan dan felfai leh him zawk a awm theih nan ring road project ruahman chu a tul anga bawhzui nise, tih a ni.
Serkawn Bazar Shed sak that a nih theih nan Lunglei Municipal Council nen inrawn tlangin hma lak nise, tih a ni a. Lunglei DC office atanga PMJVK hnuaia hna thawh tur (project) rawtna hrang hrang thehluh zinga HPC atanga umzui ngaite thlir ho niin, a tul anga umzui nise, an ti.