Hrawkna damdawi purunvar

Virus emaw bacteria emaw infection vangin hrawkna (sore throat) a awm thei a, chutiang chu thlasik laiin a tam duh lehzual. mahse, nipui lai pawhin sore throat chu a awm ve thin tho bawk.
Hrawk a lo ro a, a thip a, thil lem te pawh a harsa thei. Chutiang damdawi atana tha ni a Times Of India health section-in a tarlan te rawn chhawp chhuak ve e.
1. Sore throat chu khawsik a tel a nih chuan nilengin a khat tawkin purunvar a lawngin ei thin ang che. Purunvar-ah hi natural antibiotic a ni a, bacteria leh virus chi hrang hrang a tihlum thei.
2. Nikhatah tuilum chialin i hrawk vawi 3-4 thuah thin ang che.
3. Lawngpar (clove) pawh hritlang satliah tan chuan damdawi tha tak a ni a, lawngpar hriak chuan na a chhawk thei a, germs a tihlum thei bawk. Lawngpar pawh hi natural antibiotic a ni a, na chhawk theihna a nei bawk.
4. Thil tuiril lam in hnem ang che.
5. Hmanlai atanga damdawi tha ni a an sawi, chicken soup pawh hi a tha viau. Mahni ina siam ve mai tur a ni. Arsa chu a vun nen, purunvar tam tawk nen chhum la, a tui in ang che. Chu chuan hrawkna a tiziaawm thei a, hritlang na deuh (flu) leh hritlang satliah (cold) tan pawh damdawi tha ve tak a ni.
Heng damdawi kan sawi bakah hian thil pawimawh tak chu, i hritlang chu khawsikin a zui a nih chuan doctor rawn ngei ang che.