lub thuneitute phalna la lo leh team training awm lai reng kalsana Saudi Arabia-a zin Lionel Messi chu a khelh mekna Paris St-Germain lamin team tana training zawm thei lo tur leh match pawh khel thei lo turin an ‘suspend’ mek a; an thiampuipa hremna tawrh hlana an chet-chhuah vawikhatnaah Pathianni zan khan PSG chuan 3-1-in mualneitu Troyes an hneh a, Ligue 1 title chang turin hma-hruaitu team hian vawithum chak chiah an mamawh tawh.
He match-a mikhual goal hmahruai thuntu Kylian Mba-ppe chuan Ligue 1 top scorer ni tura intlansiakna vung chho mekah goal 24 thun tlingin, he list-a hmahruaitu Alexandre Lacazette a nihrual a, joint top scorer a ni.
World Cup winner Messi hrem a nih hlana an chetchhuah hmasakberah hian PSG-in harsatna an tawk lo a tih theih a; Mbappe chuan tan atanga minute riatna lekah goal hma-hruai khungin, second half tir lamah Vitinha chuan mikhual hmahruaina a thun belh a; minute 83-ah Xavier Chavalerin chuan Troyes siphurh pakhat sut then ve bawk mah se Fabian Ruiz chuan an goal phai chhung-khatin PSG a thawh.
Pathiannia an chetchhuah hma thlengin PSG kha an game khelh hnuhnung vawirukah vawithum tehreng an tlawm tling a, ti hian, an record belhchhaha a tum 11-na atana French title changleh turin point sarih hmuhbelh an la ngai.
Table-a pahnihna luahtu Lens lakah point rukin an sang fal mek a, season kal laiah league game khelh tur vawili chiah a awm tawh.
Hrem tuar mek Messi tel loa chak PSG
Get real time updates directly on you device, subscribe now.
Prev Post
Next Post