The Indian Council of Medical Research- National Institute of Nutrition (ICMR-NIN) Hyderabad chuan “Diet and Biomarker Survey in India” tih thupui hmangin ram chhung a zirchiang dawn.
He zirchianna-in a tum ber chu, mipuiin India rama nutritional (chaw tha) an lakluh dan dinhmun enchian a ni. Hei bakah hian thisen tlakchham (anemia) leh micro- nutrient (vitamin leh minerals) tlakchham tlanglawn an neih dan enfiah a ni ang. Heng zirchianna hi a hrang hrangin an then a; naupang kum 5 hnuai lam, kum 5-9 inkar, tleirawl/ rawlthar, puitling leh kum upa lam a ni.
Mizoram sawrkar, Zoram Medical College leh ICMR-NIN tangho chuan he zirchianna hi kumin July atangin thla 6 chhung district thlan bik 6 – Aizawl, Champhai, Kolasib, Lunglei, Mamit leh Siaha-ah neih an tum a ni.
Zirchianna hi mi thlan bik 24-in an nei dawn a. Medical officer 2, nutritionist/ dieticians 2, phlebotomists /lab techician, social worker leh antropologist te an ni ang. Zirchianna hi in tina neih tum a ni a. An thlahtute atanga zirchiangin, natna benvawn an neih dan, ni khat chhunga an ei leh in lakluh, an chaw lakluh dan kimchang leh an thisen test tum a ni. Thisen sample hi chi hrang hrang a thenin, HB test, an zunthlum dinhmun, iron, B12, folate, vitamin A adt, an thau chhe neih leh neih loh atangtea en a ni ang.
Sawrkar hotute sawi danin, he zirchianna hian Mizoram mipui dinhmun dik tak, an thisen tlakchham dan dinhmun leh an diet (chaw tha lakluh) dan a entir dawn a. National Food Security Act hnuaiah Mizoram dinhmun a hriat theih bakah public health nutrition policy kaltlangin an harsatna a sukiang thei dawn a ni. A tawktea kan chaw tha lakluh dan tur leh thau lutuk kan neih theihna turah min vengin min kaihruai thei dawn a ni.
Hriselna kaihnawihah district 6 a chengte zirchian an ni dawn
Get real time updates directly on you device, subscribe now.
Next Post