Zuangtui leh Muthi-a chhiatna tlawh

Zuangtui leh Muthia khuarel chhiatna avanga in leh lo chante chu Nilaini khan minister PC Vanlalruata leh ZPM Gen. Hqrs. vice president C Lalnunnema ten a hmunah an tlawh a, khawtlang hruaituten an lo dawngsawng.
Zuangtuiah hian tunhnaia ruahsur avangin leiminin chenna in luah lai 4 a hnawl a. A luahtu chhungkuate hian buangrua engmah an chuh hman lo. An insaseng na lamah naupang pakhatin hliam na vak lo a nei tih loh chu nunna chan leh hliam an awm lo a ni. Muthi ah hian Lalsangzuala te chhungkaw chenna in chu leiminin a hnawl bakah Biakthansangi te chenna in pawh luah ngam lohin a awm a ni.
Minister chuan khuarel chhiatna avanga in leh lo chan kan awm leh hliam tuar bakah veng thenkhata nunna hial chan an awm chu sawrkarin a tawrhpuiin pawi a ti takzet a. Sawrkarin a tih theih ang ang chhiatna tuartute tan a ti zel dawn a, DM&R department-in a tul ang an buaipui mek tih a sawi a ni.
Hnatlang ho a tula hman atan Zuangtui khawtlang hruaitute hnenah Rs 5000 an hlan a; Muthia leimin vanga harsatna tawkte hnenah ZPM Gen. Hqrs aiawhin sum an hlan bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More