Kum 2013 atanga bul tan, School Education department buatsaihin 2023 HSLC leh HSSLC exam-a topper-te hnenah Ningani khan Chief Minister’s Award hlan a ni.
He hun hmanpuitu chief minister Zoramthanga chuan HSLC leh HSSLC tithate hnena CM Award sem chu kumtin zirlai lehkhathiam tak takten an dawn thin avangin a hlutna a kiam ngai loa, pek an nih chhan a ropui em avangin kan ngaihlu telh telh, tiin a sawi. “Zirthiamna kungpuiah hian finna, ropuina, remhriatna, taimakna, tumruhna leh hlawhtlinna a inzemnghet em em a, zirthiamna hian kan suangtuah phak loh thlengin kawng min lo hawnsak thin a, midangte tana malsawmna nihna kawng pawh a hawng zau bik thin,” a ti.
Hmanpuitu dang School Education minister Lalchhandama Ralte chuan zirlai hlawhtlinna changte leh an nu leh pate chungah lawmpuina a hlan a. Mizoram sawrkarin hun harsa leh khirh tak kum hnih chhung a hmachhawn chung a, zirna tihhmasawnna tura kawng hrang hranga a theih ang anga hma a lakna chuan rah tha a chhuah mek a, sawrkar sikulah pawh zirlai an pung sawt hle tih a sawi. “Tunhma in sawrkar sikulah chuan zirlai leh zirtirtu an inzat an tih thin kha tunah chuan a ni ta lo, zirtirtuten theihtawp chhuaha zirlaite hmakhua thlir chunga tan an lakna avangin hmuh theihin hma kan sawn a ni,” a ti.
Chief minister hian HSLC topper mi pakhat hnenah leh HSSLC topper mi pathum hnenah lawmpuina thuziak leh sumai Rs. 50000 theuh a hlan a ni. HSLC topper chu
Cynthia Lalhlupuii Shangpliang, St. Paul’s HSS a ni a. HSSLC topper-te chu – Arts ah Rodinpuia Ralte, Home Mission School; commerce-ah Jonathan Lalhruaitluanga, St. Joseph HSS; science-ah Vanlaldika, St. Paul’s HSS a ni.
HSLC leh HSSLC topper ten Chief Minister’s Award dawng
Get real time updates directly on you device, subscribe now.
Next Post