Huawei bungrua pe lui 300 million chawitir

US thuneitute an export control bawhchhiaa puhin tch firm Seagate te chu China a huawei company hnena hard disck drive an thawnchhuah avangin $300 million chawi turin a ti.
Seagate technology te hian kum 2020-a export control kalpui hnuah Huawei hnenah hian bungrua 1.1 billion dollar hu an thawn chhuak a ni, tiin US Department fo Commerce chuan a tarlang a.
He hremna hi US sorkar in China hnena technology pawimawh thawnchhuah a khapna kalzel niin US chuan heng technology pawimawh te hi China militarty tena an hman vang tiin a sawi.
US President hlui Donald Trump hun laia khapna kalpui tawh hnuah Huawei hnenah hian Seagate te hian 7.4 million drives vel kum khat chuang lai hard disk drive hi an thawnlut tiin Commerce Department chuan a sawi a.
US national security atana pawi thei a ni tih hnua Huawei chu Entity List a dah a nih hnuah pawh an thawn lut lui zel tho tiin Mathew Axelrod, department’s Bureau of Industry and Security (BIS) chuan a sawi.
“He hremna hi company tin tena BIS export rules an zawm ngei ngaihzia pholanna niin kan enforcement team te chuan kan national security ngai pawimawh berin hma an la zel ang,” tiin Axelrod chuan a sawi bawk.
Huawei hnena a hmaa hard drive supply-tu ber dang pahnihte chuan dan zawmin Huawei hnenah hian bungrua an pek thin an titawp nghal thung, tiin department thuchhuah chuan a tarlang bawk.
Hremna sum te hi kum nga chhungin thla thum dan zelah $ 15 million zel pek a ni ang, tiin Seagate te chuan an sawi zui bawk a.
Hetih lai hian US chuan technology pawimawh te heng advanced computer chips te China hnena hralh leh thawnchhuah a khuahkhirh zui zel a.
Huawei hi kum 2019 khan Washington in national security leh foreign policy kaihhnawiha American company tena technology pawimawh China hnena an thawnluh loh nana khuahkhirhna an kalpui zingah a tel a.
Tun hnaiah US mai ni lo Western ram te chuan Chinese technology firm te lakah hian security kaihhnwih thilah khuahkhirhna an kalpui nasa hle bawk a.
5G technology lama thiamna nei bik huawei, ZTE leh Hytera te chu US, Australia, Japan, India leh Canada ah te an bungrua leh hmanrua hman khap bur a ni bawk a. UK sorkar pawhin Huawei tena an rama 5G network an bun te chu kum 2027 hma ngeia sut vek turin a lo ti tawh bawk.