Yemeni capital Sanaa-a Ramadan puala school-a charity semna lamah inpawngnekna thleng avangin mi 78 velin nunna an chan phah tiin officials te chuan an sawi.
Social media-a video footage tihchhuahah Sanaa khawpuia Bab-al-Yemeni a buai nuai nuai lai hmuh theihin a awm a.
Reuters news agency chuan mi za tel tehmeuh chu school ah hian mi pakhat tana $ 9 hu zel donation dawn tumin an pungkhawm tiin a sawi a.
Sanaa khawpui hi kum 2015-a sorkar an umchhuah atangin Houthi rebel te thuhnuaiah a la awm ta reng a.
Donation sem lama mawhphurtu chu man nghal niin chhuichianna kalpui mek nghal a ni, tiin interior ministry thuchhuak chuan a tarlang.
Ministry thupuangtu chuan local officials te nena ruahmanna siam hauh lova a pawng ataka donation sem chhuah tawp chu vanduaina thlen phahna chhan a ni tiin a sawi a. Mi thahnem tak hliam tuar an awm niin health official te chuan an sawi bawk a.
“Nunna chan zingah naupang leh hmeichhia te pawh an tel” tiin Houthi security official chuan sawiin Houthi fighter te chuan mipuite thunun tumin vansang hawi zawngin silai an hmetpuak hial a, chu chuan electrical wire tawng fuhin a puahzui phah a, chu chuan phawklekna siamin inpawngnekna a thlen tia sawi a ni.
He thil thleng hi Muslim tena thla thianghlim tia an serh Ramadan tawp lam a ni tawpna bera thleng niin Muslim tena ei leh in an tih theih hun a hnaih tawh hle lai a ni a.
Yemen-ah hian kum riat tehmeuh tualchhung indona rapthlak tak thleng tawhin tun hnaiah kar kalta lawk khan sorkar lam leh Houthi rebel te chuan lung in tang inthleng tawnna te pawh an nei zo chauh a.
Mohamed Ali al-Hoithui, Houthi supreme evolutinary committee chuan vanduaina thleng chu an rama humanitarian crisis turu tak sawhkhawk zel tiin a sawi a.
“He thil thlenga mawhphurtute chu Yemen nasa taka hrektute an ni a, an danchahna kalpui leh kharkhip avangin Yemeni tam tak ten harsatna an tawhphah a ni,” tiin a sawi.
-- Advertisement --
YEMEN
n Kum 2015 a\ang khan civil war chhuakin Houthis te chuan khawthlang lam ram zau tak an thunun a, chung zingah chuan capital Sanaa pawh a tel.
n Yemen ram chhuahsantu mi 150,000 vel an awm tawha ngaih niin Yemen tualchhung indona hi Saudi Arabia leh Iran thlawpa inbeihna ni bera ngaih a ni.
n Yemen mipui maktaduai 23 vel te chuan ei leh bar tlachhamin \anpui an ngai takzeta ngaih a ni a.
n Yemen official government chu Aden ah awmin chutih laiin President Abdrabbuh Mansou Hadi erawh Saudi Arabia-a inbun a ni thung.