HUNTRIX “Golden” aia hlu a la awm thei rih lo

HUNTRIX “Golden” aia hlu a la awm thei rih lo
KPop Demon Hunters soundtrack HUNTRIX (EJAE, Audrey Nuna & REI AMI) “Golden” chu Billboard Global 200 chart-ah a No.1 a, he chart-ah kar sarih a No.1-na a ni ta a, he film soundtrack dang pali chart top 10-ah a lang thei bawk.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan ram hrang hrang 200 chuang a official-only stream (subscription leh ad-supported audio leh video music services) leh download sales te chu tehna pawimawh a ni.
“Golden” hian kar khat chhungin stream maktaduai 120 leh sales 17,000 a la nei thei a, a kar hmasa aiin 6%-in sales hi a pung a, hetia a punna chhan hi KPop Demon Hunters sing-along version cinema hall-ah an tichhuak a, Netflix-ah August 25 atangin an tichhuak bawk a, hei hian a soundtrack hralh pawh a tikal thar leh ta a ni.
Billboard Global 200 chart top five-a KPop Demon Hunters soundtrack ni lo lang awm chhun chu Alex Warren “Ordinary” niin, No.2-ah bawk a la awm. He hla hi chart-ah hian kar 10 chhung a lo No.1 tawh.
Stray Kids ‘Ceremony’ chu stream maktaduai 44 leh sales 10,000 kaiin, No.10-ah a debut. He hla hi an album, Billboard 200 chart No.1-a debut ‘Karma: The 4th Album’ atanga an single a ni.
Billboard Global 200
Top 10:
1. Golden – HUNTR/X: EJAE, Audrey Nuna & REI AMI
2. Ordinary – Alex Warren
3. Soda Pop – Saja Boys: Andrew Choi, Neckwav, Danny Chung, Kevin Woo & samUIL Lee
4. Your Idol – Saja Boys: Andrew Choi, Neckwav, Danny Chung, Kevin Woo & samUIL Lee
5. How It’s Done – HUNTR/X: EJAE, Audrey Nuna & REI AMI
6. Back To Friends – sombr
7. What It Sounds Like – HUNTR/X: EJAE, Audrey Nuna & REI AMI
8. Die With A Smile – Lady Gaga & Bruno Mars
9. Jump – BLACKPINK
10. Ceremony – Stray Kids