I che chhia em ni?

Ngaihzawng te emaw, star ruk deuh te bula awm laia zah ngawih ngawihna tur khawpa chet chhiat, khuk chem chema khuk ral daih chakawm rum rum khawpin i awm tawh em?
Hetianga chetchhiat dawn hi chuan ama tawkin a rawn thleng ve tawp mai a, dan theih a ni lo. Chu chu Murphy’s Law an ti. Murphy’s Law-ah chuan “Che chhe tur chu kan che chhe tawp mai, a pumpelhna a awm lo,” tih a ni tawp.
Tu emaw nen in flirt viau hnuah boruak a fuh tan a, in pahnih chauha inawm fal tawh hnuah i pum a rawn ri ta ruih ruih a! I sen tan tan ngei ang chu.
I duh ruk ve deuh kha i rim a, i zan khat lennaah i haw dawnah i kekawr zipper a in-zip-lo tih i hre chhuak chauh! I zah dan tur chu kan hriatthiam pui che!
Boruak a romantic tawh lutuk, i inhnaih tial tial a, in inhnim hnai tawh hle, mahse, rin loh takin i irh ta pup. Thih daih i chak zawk hial mai thei.
In in-date a, khawilai restaurant changkang ve takah emaw zanriah in kil dun a. I chaw ei kham chu i inring hman lo, i irh ta uk a. Tihngaihna a awm lo, a nih nih a ni zo tawh si.
Murphy’s Law chuan hetiang hunah hian kan zak viau a nih pawhin, a nih nih a ni zo tawh a, siamthat leh theih a ni tawh lo, chuvangin, zah luat vanga chetchhiat belh leh ai chuan a nih ang ang khan awm tawp mai tur, engtia tih vak a ngai lo, tih a ni.
Hetiang hi tu te pawhin tawng thei kan nih vangin ka bula awmte chutiang chuan an lo awm palh a nih pawhin boruak a tha zawnga her thiam a pawimawh hle a ni.