I mutnaah i hnar \hin em? Hnar loh dan i hre duh em?
I mutnaah i hnar thin em? Hnar loh dan i hre duh em?
Zan mutnaah mutpuite an han hnar kuk kuk mai hi chuan bula mu te tan muthilh mai a harsa thin. Mut hlana hnar hi sleep disorder pakhat anga ngaih a ni a, sleep apnea vang a ni thei a, chhan dang vang pawh a ni thei. Muthilh hlana hnar loh theih dan nia Times Of India health section-in a tarlan te kan rawn chhawp chhuak ve e.
1. Saisir zawngin mu rawh. Zangthal zawnga mut hian kan hrawk a lo hahdamin a chawl a, chu chuan boruak kal velna a block thei.
2. Inti cher deuh rawh. Thau uchuak te hian diabetes leh hrisel lohna dang a thlen theih bakah mi a ti hnar nasa thei bawk. I nghawng velah thau chuangtlai a tam chuan boruak kel velna a tizim a, chu chuan tissue a innawk tir a, thawk zawnga ri hruih hruih a siam thei.
3. Zu in tlem rawh. Hnar ngai lo pawh hi zu an in chuan an hnar duh. Mut dawn hnaiha zu in chuan boruak kal velna a tihahchawl a, chu chuan mi a tihnar duh.
4. Lukham kham sang deuh rawh. I awm aia sangah i lu a awm theih nan i lukham han tih san belh la, chu chuan boruak kal vela a tihawng zau a, hnar a tiziaawm thei.
5. Meizu suh. Meizuk hian lung natna chi hrang hrang leh chuap cancer te pawh a thlen thei, chubakah mi a tihnar nasa duh bawk. Mei i zuk nasat chuan i taksain oxygen a duhkhawp a hmang thei lo va, i thawk zawnga boruak chetvelna tur a tibuai a, i lo hnar nasa ta thin.
6. Mu tam rawh. Mut that hi taksa hrisel nan a pawimawh hle, nikhatah darkar 6-8 tal muthilh theih a tha. Mut hun leh thawh hun mumal tak nei la, chu chuan hnar a tiziaawm thei.
7. Exercise la tha rawh. Exercise i lak that chuan i lungphu leh thisen luang vel a lo tha a, nitin minute 30 tal exer la thei la, chu chuan hnar a tiziaawm thei.
8. Tui in tam rawh. Kan taksain a mamawh khawp tui a hmuh loh chuan hnarah thil ban deuh a lo insiam nasa a, chu chuan mi a tihnar nasa thei.
9. I hnai tifai tha rawh. Hnarah hnawhtu eng emaw a awm hian kan hnar nasa zual thin, a chhan chu kan hnarah hnawhtu a awm vangin ka-in kan thaw thin. I hnar a ping thin a nih chuan mut hmaa tuihu hip (steam inhalation) tih thin te a tha.
10. Zan reiah chaw ei suh. Mut dawn hnaiah darkar hnih velah chuan engmah ei tawh suh. Mut dawn hnaiah thil ei hian digestion a tibuai a, mut a tichiang lo va, mi a tihnar duh.