I nupui/pasal tur a ni em?

Nupui/pasal nei tura thutlukna siam hi tleirawl tih deuh phelh phawlh lai a pelh tawh hnuah chuan thil awlsam tak a ni hran lo. Kan nun tidanglam vek thei thil a ni miau a, fimkhur pawh a tul hle reng a ni. Relationship lama mithiam ten kan kawppui tur awm mi an ni em tih leh nupui/pasal nei tura kan inpeih tawh leh la inpeih tawk loh dan hriat theih dan a awm niin an sawi a, kan rawn tarlang e.
Nupui/pasal neih i inpeih ta tih hriat theih dan leh i kawppui tur awm mi a ni em, tih hriat theih dan pakhat chu i dam chhunga kawppui atana i duh tur i tawng ta em, tih hi a ni. Kan kawppui tur awm mi hi chu kan intawn atangin a fuh nghal thlap duh khawp mai.
In pahnihin hun hlimawm inhmang dun thei em? tih hi a pawimawh leh bawk. Awm dun apianga inhnial leh inhau deuh reng te in nih chuan inneih inla peih lo tihna a ni thei ang a, i kawppui tur awm mi a ni lo tihna a ni thei bawk ang. In pahnihin quality time te inhmang dun thei tawh a nih chuan inneih inpeih ta tih lantirna pakhat a ni.
Nangmaha thatna awm te a haichhuah sak thei che em? Nangmaha a tha ber i lanchhuah tir theihna turin a pui thei che a nih ngat chuan chumi ngei chu i kawppui tur awm mi a ni.
A pawimawh berah chuan damchhunga i kawppui atan i duh em tih hi a ni. ‘Ka’ ti loin ‘Kan’ i tih a ngai tawh dawn a, chutiang tihpui atan chuan ani chu i duh em tih ngaihtuah ang che. Sign chi hrang hrangah hian inmil viau mah ula ‘Kan’ tih pui atana i duh miau loh chuan a la kim thei chuang lo.