Mizoram sawrkar hnuaia thawk Mizoram Civil Service zinga pali chu Indian Administrative Service AGMUT Cadre-a hlankai an ni a, Mizoram Civil Service pali chu secretary hna chelh thei turin supertime grade ‘A’ ah an kaisang bawk. Heng kaisangte leh midang ni an hna chanpual hi hetiang hian siksawk a ni.
-- Advertisement --
IAS-a hlankai thar MCS officer palite chu an awmna tur siamrem nghal a ni a. Printing & Stationery secretary nilai Zorammuana chu a awmna ngaiah special secretary (independent charge) a dah a ni a; FCS&CA secretary Ramdinliani chu Lunglei DC a sawn niin, LAD secretary David Lalthantluanga chu Lawngtlai DC ah, LRS& WC secretary Maria CT Zuali chu ATI director a dah a ni.
IAS officer pangngai pathum – ATI director nilai Syed Musawwir Ali chu ICT special secretary (independent charge); Lunglei DC Kulothungan A chu Social Welfare/ Vigilance addl. secretary ah, Lawngtlai DC Amol Srivastava chu DM&R addl secretary a dah a ni.
MCS supertime grade ‘A’ a kaisang pali – Dr H Lalthangliana chu School Education director atangin LRS&WC secretary ah, Lalhriatpuia chu DM&R/ Home/ Vigilance addl secretary atangin LAD secretary ah, MPSC secretary Vanlalmawia chu a hna ngai tho chelh turin tih a ni a. GAD addl. secretary Teresy Vanlalhruaii chu FCS&CA secretary a dah a ni.
MCS supertime grade ‘B’ leh selection grade mi paruk – Siaha DC Lalsangliana chu School Education director ah, SIRD&PR director Lalhmunsanga Hnamte chu Siaha DC, Saitual DC VL Hruaizela Khiangte chu H&FW/ Coop joint secretary, Mamit DC Lalnunhlua chu Sports &YS director, H&FW/Coop joint secretary VL Remliana chu Mamit DC, S&YS director K Lalrohlua chu Saitual DC ah sawn an ni.