IGNOU-in Convocation vawi 36-na hmang

Last updated Apr 3, 2023 21 0

IGNOU-in Convocation vawi 36-na hmang
Indira Gandhi National Open University (IGNOU) Convocation vawi 36-na chu Thawhtanni khan India ram pumah hman a ni a. Aizawla he hun hmanna chu Mizoram State chief information commissioner Lalnunmawia Chuango chuan a hmanpui.
State CIC chuan zirlai hlawhtlinna chang tharte lawmpuiin, zirlaite chu sawrkar hna ringawt ngaihven loa, mahni kea din tum turin a fuih. “Khawi sawrkarah mah sawrkar hna hian mitin a daih seng loa, ram hmasawnna turin private sector tihlen a ngai. Mi tute pawhin midangte aia thiam bik talent kan nei theuh a, heng kan talent dawn hmang tangkaia eizawnna siam tum hi hlawhtlin awlsamna kawng a ni,” a ti. Ram a changkan poh leh private sector-ah eizawnna a pung zel dawn tih a sawi a ni.
IGNOU Convocation programme hi ram pumah hman a ni a. An University headquarters, Maidan Garhi New Delhi-ah a lawmna pui ber neih a ni. Tun tumah hian ram pumah zirlai 279917 hnenah degree hrang hrang an pe chhuak a. Mizoramah hian master degree 408, bachelor degree 534, diploma 59 leh certificate 81, a vaiin zirlai hlawhtling 1082 hnenah pek a ni.