ihanna 2023 Super Bowl Halftime show-in record a siam

Kum nga chuang a reh vang vang hnu a a live performance hmasa berah Rihanna chu Super Bowl Halftime show-ah inlanin, entu maktaduai 115.1 a nei tling a, hei hi Super Bowl Halftime Show awm tawh zawng zawng a entu tam ber tum a la nih thu an puang.
Super Bowl LVII Halftime Show hi February ni 12, 2023 khan State Farm Stadium, Glendale, Arizona-ah neih a ni a, Nielsen-in report hrang hrang an khaikhawm hnuah he halftime show hian entu maktaduai 121.017 a nei tih an puang a, Super Bowl history-a halftime show entu ngah ber a ni ta a ni.
Halftime show chauh pawh ni lo, a game hrim hrim pawhin entu a ngah ber tum niin an tarlang a, a tirah Kansas City Chiefs leh Philadelphia Eagles te inkhel hian entu maktaduai 113.1 nei angin an chhut a, mahse, report hrang hrang an review hnuah maktaduai hnih an belh a, maktaduai 115.1 tlingin a game pawhin record a siam ta a ni. A hmaa Super Bowl inkhel entu ngah ber record chu 2015-a New England Patriots leh Seattle Seahawks te inkhel niin, entu maktaduai 114.442 an nei a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More