IMA-ten darkar 24 nawrh huaihawt
Indian Medical Association chuan Kolkata a State-run R.G. Kar Medical College and Hospital a hmeichhe doctor trainee pawngsual leh thah a nih duh lohna lantir nan August 17 hian zing dar 6 atangin darkar 24 chhung emergency tih loh chu ram pumah service an pe dawn lo.
Essential services te erawh kalpui a ni anga casualty wards te chu hawn tho a ni ang tiin medical body te chuan thuchhuah an siamah an tarlang a.
Out-patient departments (OPD) hawn a ni dawn lo va, elective surgery pawh neih a ni dawn lo bawk. He lungawilohna lantirna hian sector tin te modern medical doctor tena service an pekna chu a huam vek ang tiin IMA te chuan an sawi bawk.
“R.G. Kar Medical College, Kolkata-a sual rapthlak tak thlen hnua zirlai lungawi lo tena Independence Day zana hooliganism an kalpui zui vangin Indian Medical Association chuan Inrinni 17.08.2024 zing dar 6 atanga Pathianni 18.08.2024 darkar 24 chhung chu modern medicine doctor ten service an pe lovang” tiin thuchhuah chuan a tarlang.
“Hna avangin doctor a bik takin hmeichhia ten tharum thawhna an hmachhawn awlsam bik a ni. Hospital chhung leh campus chhunga doctor te himna hi thuneitute mawhphurhna a ni a. Kut inthlakna leh pawikhawihna te hi thuneitu tena doctor, nurse leh health worker-te mamawh an phuhruk loh fo vang a ni,” tiin thuchhuah chuan a tarlang bawk.
Ram pum huapa lungawilohna lantira non-emergency medical services kalpui loh hi IMA state branch te nena inrawnkhawm hnua thutlukna siam a ni.
IMA te chuan hmeichhe doctor pawngsuala thah a nih hnua August 9 atanga doctor tena Kolkata hospital a lungawilohna an lantir hnua thil mawi lo leh tihduhdahna thleng zui chu an dem thu an sawi bawk a.
Medical association te chuan, “Thuneitute, thil sual nasa tak a thlen tirtute chuan CBI investigation pawimawh tak awm lai pawhin dan leh hrai lekkhawhna kawngah an la hlawhchham leh a ni. IMA chuan hetiang tharumthawhna leh finfiahna pawimawh awm theihlohna a thleng hi a dem takzet” tiin thuchhuah an siamah an tarlang bawk.
Kolkata Police-te chuan, mi 40 vel lai lungawilohna lantir anga awm te chuan damdawi in lutin property te tichhiain police-te lungin an vawm a, police-te chuan hnawhdarh nan tear gas an hmang hial a ni, an ti.
Heng mite hian tiang, brick leh rod te kengin Emergency Ward, nursing station leh medicine store te tichhiain hei bakah hian Out Patients Department (OPD) hmun thenkhat lai an tichhe bawk a, hei mai bakah hian a chehhvela CCTV camera te pawh an tichhe bawk a ni.
Police vehicle pakhat chu namlet niin two-wheeler tam tak tihchhiatin a awm bawk a, police personnel hliam tuar an awm bawk.
Trainee doctor thihna chungchang chhuichianna chu Kolkata Police te chuan Calcutta High Court thupek angin CBI te hnenah an hlan a, CBI ten an chhui chiang mek a ni.