In nupa inkar a buai em?
Nupa hlim tak nih theuh kan duh a, mahse, kan inrin loh laiin kan nupa inkar a lo khi a, kan chan loh khanah harsatna a lo chhuak a, thil ho tak anga lang emaw, thil serious tak anga lang vangin kan buai pawh a ni thei. Chutianga buaina kan tawh tawh hnuah chauh kan inngaihtuah kir a, a warning sign kan lo hmuh hmaih tih kan inhre chauh thin.
Hei le, nupa inkarah buaina a awm tan tih hriat theih dan ni a mithiam te sawi kan rawn tarlang e.
1. “Hmanah pawh…” tiin hun kal tawha a tha lo lam sawi chhuah kan ching a, “I chuti/khati lo,” kan inti ta deuh fo a, nupui/pasal chhungte lakah lungawi lohna kan ngah tan riau bawk.
2. Thil hoteah pawh kan inhau chiam zel tawh mai a, thinrimna tur kan zawng emaw tih mai tur a ni. Nupa mah ni ila kan inhnêl ta deuh a, pawnlama chhuah pawhin ina haw châkna kan nei ta mang lo.
3. Engah mah thutlukna in siam dun thei tawh lo a, in insawifiahna te pawh in inpawm sak thei tawh lo. Dik zawk nih inchuhna boruakah incheng tawh.
4. In inngaihsak tawn tawh lo a, inrinhlelhna mitin in inen tawh.
5. Mahni chauh inngaihsakna boruakah in awm a, kawppui ten engtin nge an ngaih ang tih lamin hmun a chang tawh lo. Chutih rualin i kawppui chuan a ngaihsak lo che niin i hria a, duh loh leh hlamchhiah bik ni a inhriatna te pawh i nei.
6. A tu emaw zawk in rinawm ta lo. Chutiang hunah chuan nupa inkar a chhe tawh takzet a ni.
7. Taksa hrisel lohna neih vang pawh ni lem loin nupa nun inhmang ngai ta lo a, hman dun chakna pawh in nei ta lo.
8. In inbe ngai ta mang lo. Nupaa titi dun te chu hla tak a ni ta, loh theih lohah in inbe hram hram a, chutah pawh a tul chin te bak insawi ngai lo.
9. Nupaa chhuah dun leh bazar dun te inti ngai ta lo a, eng emaw tihkhawm niah pawh inkal dun ngai ta mang lo.
In nupa inkar a buai em?
Get real time updates directly on you device, subscribe now.
Next Post