Mizoram State Legislative Assembly Session neih mekah MLA-te chu hun dang zawng aiin inbuatsaihna an nei tha tawk lo nia a lan thu PC party chuan sawiin, mipuiin kan aiawha ram rorel tura kan thlanchhuahte tan inthlahdah a thianglo tih hriatsak a, inbuatsaih tha turin an chah tih an sawi.
-- Advertisement --
PC Gen. Hqrs. thuchhuak chuan Mizorama rorelna in sang bera rorelna chu mipui hmakhaw thil a nih avangin a zahawmin, mutmawh hnarmawha neih tur a nih laiin, mahni party hamthatna tur ringawt engtoa nei a, he rorelna inpui hlamchhiah khawpa party-a mithar lawmluh leh zinchhuah boruak siamlen tumin MLA thenkhatte an hmanhlel reng ringawt tih a sawi a. Hei hian mipui hamthatna tura hmalakna thil tam tak a tihsukuk phahah an ngai tih a sawi.
Finance changtu chief minister Pu Zoramthanga’n budget a pharh tàk, ni hnih chhung inbuatsaihna hun speaker-in MLA te a pek chu thahnemngai taka bawhzui a, awmze nei taka pass a nih theihna’n taima taka zir lawk turin an chah tih PC party chuan an sawi.