Inchai rei record siam

Inchai rei record siam
Inchai (wrestling) hi hahthlak zet mai a ni a, tha thlah a ngaithei bawk si lo, tang taka minute hnih khat inchai pawhin thaw a sa nghal phat phat thei thin. Tichuan le, Ehime Pro Wrestling-ah Canadian Cancer Society (CCS) tana sumtuak nan tiin, inchai rei record an siam ta alawm. Darkar 21, minute 49 leh second 12 inchaiin record an siam a, CCS tan hian dollar 36,900 (Rs 32,00,000 vel) an tuak nghah nghal bawk. Tuna inchai rei record dinglai chu darkar 21, minute 44, leh second 34 a ni a, he record hi an rawn khum ta a ni.
Mahse, he record hi official-a puan theih a ni dawn tlat lo. Inchai buatsaihtute chuan Guinness World Records lam pawh an be pawp a, mahse, GWR hian verification fee dollar 16,000 an lo phut tlat si a, chutiang zat sum hmanga official-a puan ai chuan an charity atana dollar 36,900 chu a vaia pek an thlang ta zawk nin an tarlang.