Boxing Federation of India (BFI) chuan Bareilly khawpuia men’s national championships a huaihawt mekah boxing dan thar hmangin, weight then dan thar a hmang tan ta bawk a, World Boxing (WB) lamin an then dan zulzuiin weight category10-ah inelna a buatsaih.
Thawhlehni atanga khelh tan he tournament kal mek hi World Boxing Technical and Competition Rules hnuaia khelh niin, weight then hrang 13 i thin atangin weight category 10-ah tihtlem a ni ta a; suspend tak International Boxing Association (IBA) kalphung an kalsan hret a ni.
Weight classe thar 10-te chu – 50kg (Flyweight), 55kg (Bantamweight), 60kg (Lightweight), 65kg (Welterweight), 70kg (Light Middleweight), 75kg (Middleweight), 80kg (Light Heavyweight), 85kg (Cruiserweight), 90kg (Heavyweight) leh +90kg (Super Heavyweight)-te a ni.
Heti zat weight category atanga category paruk – 55kg, 60kg, 65, 70kg, 80kg leh 90kg-te chu Olympics weight category ni thei tura ngaih mek a ni.
A chunga tarlan takte hi mipa lam chan a ni a, hmeichhe tan pawh weight category thar hman niin, chu’ngte chu division hmasaber 48kg (Light Flyweight) bakah 51kg (Flyweight), 54kg (Bantamweight), 57kg (Featherweight), 60kg (Lightweight), 65kg (Welterweight), 70kg (Light Middleweight), 75kg (Middleweight), 80kg (Light Heavyweight) leh +81kg (Heavyweight)-te a ni.
IBA thlaktu atana hman mek World Boxing hian International Olympic Committee (IOC) atangin pawmpuina a nghak mek a, he pawlin a tum ber chu Olympic roster-a boxing chamtir zui zel a ni.
International Boxing Association tihtawp a nih hnuah nikum April thla khan WB hi lo piangin, member 60 an inziaklut tawh a, IOC chuan nakkum lamah hian a pawm fel hman beisei a ni.
India-in boxing rule leh weight class thar hmang tan
Get real time updates directly on you device, subscribe now.