India-in hlawhtling takin space docking a ti thei ta

Indian space agency Isro chuan vanthengrengah a vawi khat nan hlawktling takin boruak lawk tenau pahnih a zawmin a thlawh chhuahtir (space docking) thei ta.
He technology hi nakin zela ramin Indian space station din a tumna leh thlaa mihring kah kai a tumna atana tangkai tur a ni.
Mission hi SpaDeX tih niin India chhim lam, Sriharikota launch pad atangin December 30 khan kah chhuah a ni a. Boruaklawng pahnih chu rocket pakhatah chhuahtir niin vanthengrengah an inthen a. A inthen hun hi January 7 kha ruahman hmasak ni mah se vawi eng emaw zat sawn a ni.
Ningani tuk khan space agency hian hlawhtling takin an ti thei ta tih a puang a, khawvelah United States, Russia leh China chiahin an la ti thei a ni.
Prime Minister Narendra Modi-a pawhin Bangalore-a Isro office-ah scientist rualten an enchhin lai hian a awmpui a ni.
“India-in kum lo kal zel tura space mission a neihte tan rahbi pawimawh tak a ni,” tiin a hnuah X-ah a tar lang.
Union Science Minister Jitendra Singh chuan inthen lai hi felfai taka tih a ni tih a sawi bawk.
SpaDeX (Space Docking Experiment)-a boruaklawng pahnih hi SDX01 (Chaser) leh SDX02 (Target) tih a ni a. Kah chhuah an nih lai hian kg 220 chuanga rit ve ve an ni a, an thlawhna kawngah hian an thlawh chak zawng chu uluk taka thunun a ni.
Nasa scientist thin leh Delhi-a space education company Stem and Space dintu zinga mi, Mila Mitra chuan, “Vanthengrengah an thlawk rual a, an inthen lai hian an karah km 10-20 vel a awm theih nan an chak zawng tihdanglam hret a ni,” a ti.
“An inzawm chhung hian scientist-ten uluk takin an khalh a ni,” a ti bawk.
An darh hun hun hi a tirah January 7 ruahman a ni a; mahse, Isro chuan ni hnihin an sawn hla a, ‘an kalkawngah enchhinna paltlang an la ngai’ tiin an sawi.
An vawi hnih sawnnaah pawh hnai zawka thlalem an hmuh theihna turah harsatna a awm deuh tih an sawi a, boruaklawng erawh a him tih an sawi.
Pathianni khan Isro chuan scientist-ten Chaser leh Target kar hi an tizim a, metre 15 a ni a, a hnuah metre 3 a ni leh a. A tawpna atan boruaklawng hi ‘inkar hlat dan tawk thaah’ an awm tih an puang zui bawk.
SpaDeX kah chhuah a nih laia Isro chief, a thlawh chhunga chawl ta, S Somanath a hna atanga a chawlh thlengin a vil a, ‘hna khirh tak’ a nih thu leh thawhhona tha a ngaih tak zet thu a sawi.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More