India-in tihluihnaa an rama mi luhtir an tum lai Bangladesh-in nangching

Bangladesh chuan Ningani khan darkar 24 liam ta chhungin India-in an ramah tihluihnaa mi luhtir a tumna eng emaw zat chu an dang tih a sawi a, Asia chhim lama inthenawm ramte inkara inzawmna siam that tuma hma lak a nih mek laiin lehkha pawimawh nei lova pem lut nia sawi chungchangah neuh neuh a awmtir thar leh.
An ramri hi khawvela leilunga ram inrina thui ber zinga mi niin km 4,000 chuang zeta thui a ni a. Hmun chhengchhe tak taka kal a nih avangin vengtute tan pawh hna a hautak hle.
Border Guard Bangladesh (BGB) chuan ramri hmun eng emaw zatah India thuneitute dan bawhchhiat tumna vawi 10 an hmuchhuak tih an sawi a. Hemi chungchangah hian India-a Border Security Force (BSF) leh external affairs ministry chuan engmah an la sawi lo.
India-a rorel lai, BJP hi ramria awm – Tripura, West Bengal leh Assam-a roreltu an ni mek bawk a. Lehkha tul ang nei lova an rama pem lutte chu an ngaimawh leh titawp tura an ngaih pawimawh ber pakhat a nih thu an sawi a, nikum atang khan Bengali tawng hmang Muslim-te chu ‘dan lova lut’ tia sawiin Bangladesh-ah nawr luh an tum a ni.
Kum 2024-a Bangladesh-a hun rei tak India nena inzawmna tha tak neia an ram lo hruai tawh, Sheikh Hasina-i paih thlak a nih hnua ram pahnihte inzawmna chhe tak siam that tuma ram pahnihten hma an lak dun mekna chu dan lova pem kaihhnawih hian a tibuai hle.
BGB chuan thuchhuah siamin, “Mi mal emaw, pawl emaw ramri kaltlangin dan lova Bangladesh-ah luh phal a ni dawn lo,” tiin, ram leh ram inrina enkawl dan tur kalphung leh ram pahnihte inhriatthiamna bawhchhiat tumna eng pawh chu ‘khauh taka dan’ a nih tur thu a sawi.
Bangladesh ramri vengtute chuan thla hmasa khan ramri hmun thenkhatah patrol nasa takin an kalpui a, mipui hriattirna campaign an kalpui a, hei hi thuneitu te, mihring dikna chanvo humhalhtu pawl te leh mi thiam ten ‘push-ins’ tia an sawi — finfiahna leh dan anga ram mi lak kirna kalphung kaltlang lova Bangladesh-a mihring thawn luhna — India-in dan lova mi a luhtir chungchang a ngaihtuah vang a ni.
Indian foreign ministry chuan May thla khan thuthar thehdarhtute hnenah Bangladesh chu an ram nia an rinhlelh, India-a dan lova cheng mi 2,860 chuangte nihna finfiah turin a ngen tih a sawi.
Thil thleng pakhatah chhimthlang lam ramri district, Jhenaidah-ah BGB chuan BSF-ten ramri gate an hawn hnuah prison van-ah mi 30 atanga 35 vel chu an rama luhpui an tum an man niin an insawi a, lirthei chu kir leh turin an ti tih an sawi.
Dhaka hian Bangladeshi nia hriatte chu ramri kaltlanga dan lova lettir ai chuan dan ang leh palaite pawh indawra thawn kir leh tur a nih thu a sawi fo tawh a ni.
Ramria mihring inluhtir hi Thawhtanni atanga Ningani inkara New Delhi-a ram pahnih ramri vengtu sipaite inkara director-general level-a inbiakna neih turah ngaihtuah a nih beisei a nih thu Dhaka-a sorkar thuneitute chuan an sawi.