India-in tuialhtheiah Middle East indo rei tuar thei

Tuialhthei hmang nasa tak India chu Middle East buaina vangin he bial atanga bungraw phurh luh hun rei tak a buai a nih chuan a dah khawl sa a ngah loh avangin tuialhtheia harsatna tawk nasa ber ram a ni thei niin mi thiamten an sawi.
Asia-a energy hmangtu lian ber, China leh India hian tuialhthei thlitfim loh an lakluh zinga a zahve vel hi Middle East atangin an lak a ni a. India hian a thenawm aiin a dahkhawm tlem zawk a, kum thum chuang kalta aiin tunah chuan chu Middle East atanga a lak luhah a innghat nasa tawh zawk bawk.
“China hian thla ruk vel daih a dahkhawl a. India erawh a tlem zawk hle a; chuvangin, a dinhmun hi a hlauhawm zawk hle a ni,” tiin commodities research group ICIS-a director of energy &refining Ajay Parmar chuan a sawi.
Asia khawmualpuia eibara hmahruaitu pahnih tana hlauhawm tak turin Israel leh US-in Iran a beih avangin nghawng na tak a tuar thei mek a. An chhehvelah buaina siamin khawvel tuialhthei phurh kual hmun ngaa thena hmun khat thawn chhuahna kawng, Strait of Hormuz chu khar a ni a. Brent crude chu Thawhlehni khan a man 7% velin a sang a, indona rei tak a awm chuan a san zel a rinawm hle.
January thla thleng khan India-in tuialhthei thlitfim loh a lakluh zinga 55% vel chu Middle East atangin a ni a, ni khatah barrel maktaduai 2.74 vel a la lut a, kum 2022 tawp lam hnua a tam ber tum a ni a, an ram thlifimtute chuan Washington-in a nawr nasat avangin Russia tuialhthei lakluh an tihtlem avangin a tam ber tum a ni.
India hian tuialhthei a dah khawl hian ni 74 vel a daih thei tih Oil Minister Hardeep Singh Puri-a chuan thla hmasa khan MP-te bula a sawi a. Hetih lai hian thlifimtute atanga erawh chuan ni 20 atanga ni 25 vel chauh daih thei a ni.
Hetiang thil avang hian India hi hmun dangah lei tur zawng turin a nawr thei a. Man tlawm zawka lei theihna turin a tul zawng zawng a la ti dawn dawn tih oil ministry chuan Thawhlehni khan X-a a tar lang nghe nghe.