India Railway map-ah Mizoram a chuang ta hi Modi fak tur kan ni – Dr K Beichhua

India Railway map-a Mizoram a chuang ve ta chu passenger leh bungrua phurh kawngah Mizoram-in a hlawkpui hle dawn a. Hmasawnna atana Prime minister Modi hmalakna hi Mizo mipuiin fak tur kan ni a, engati nge kan zui mai loh, tih chu an zawhna a ni tih BJP Mizoram hruaitu Dr K Beichhua chuan a sawi.
BJP State president Dr K Beichhua chuan September 13-a Sairang thlenga rel lo lut Prime Minister Narendra Modi-a’n a hawng dawn ta chu an lawm hle a, India hmarchhak state kilkhawr tak, tlawhpawh harsa tak Mizoram tana rel kawngin a pawh ta chu Mizoram mipui pawh lawm lo an awm an ring loa, hetianga state dangte ruala hmasawnna rahbi thar Mizoram-in kan nei ve ta chu a ropuihle tih a sawi a ni.