Indian thawhna lawng beih vangin Ukrainian palai ko

On Jul 28, 2026 15 0

Indian external affairs ministry chuan Indian thawktute chuanna sumdawng lawng beih a nih chungchangah Ukrainian palai, Dr. Oleksandr Polishchuk a ko.
Russia nena an indona kal zelah tun hnaiah Ukraine-a Odessa lawng chawlhnaah Indian chuanna lawng eng emaw zat beih a ni tawh.
News agency ANI-in a tar lan dan chuan Ukrainian palai hi May 18-a sumdawng lawng, MV OMORFI beihnaa Indian thihna a thlen vang a ni.
Black Sea-a MV OMORFI lawng beihnaah hian Indian a thi a. Forward Seamen’s Union of India (FSUI) chuan Chief Officer Sagar Gupta-a niin an sawi.
ANI chuan ministry hian sumdawng lawng beih a ni thin leh a thawktute thihna thleng fo chu na takin a dem tih a tar lang a. Black Sea-a lawng beihna thleng pawh a ngaimawhin thleng nawn tawh lo se a duh hle tih a tar lang.
Inrinniah pawh khan lawng dang beih a ni bawk a. Kyiv-a Indian embassy-in thuchhuah a siamah chuan MV AGN Ragnar hi Black Sea-a Ukraine-in lawng chawlhna a neih pawimawh ber pakhat, Odesa-ah kah a ni tih a tar lang.
He thil a thlen hma ni tam vak lo liam taah pawh khan Russian-ten sumdawng lawng, MV Golden Leo an kahnaah Indian pali an lo thi tawh bawk a. He thil thleng avang hian Russian chargé d’affaires Vladimir Ladanov-a chu external affairs ministry-in a lo ko tawh bawk.
Ladanov-a hi New Delhi-a Russian palai a awm rih loh avanga a aiawha koh a ni.