Indo tihtawp tumin Pakistan, Turkey, Egypt leh Saudi inbia

Indo tihtawp tumin Pakistan, Turkey, Egypt leh Saudi inbia
Pakistan chuan Iran indona tihtawp a tumna kawngah Pathianni khan Turkey, Egypt leh Saudi Arabia te nen an inbia a, Strait of Hormuz hawn leh tura rawtna siam chungchang pawh a tel tih he thil hretute chuan an sawi.
Islamabad-a inbiakna ni khatna tawp lamah Pakistan Foreign Minister Ishaq Dar-a chuan an thenawm ram foreign minister-te chuan ‘he biala indona hi a hma thei ang leh a tawp hmang theih dan tur’ an sawiho tih a sawi a, Islamabad-a US-Iran inbiakna a awm theih dan tur pawh an sawi tih a sawi.
Inbiakna hi Iran-in US-in khawmual sipaite an tir lut hnai nia a sawi lai leh Iran, US leh Israel te indona kal zel kara khawvel pum huapa tuialhthei man a san belh zel laia neih a ni.
Pakistan-a inkawm ramte hian Gulf-a lawng kal dan kaihhnawihah Washington-ah rawtna an thlen a, hei hi he thil hretu pangain Reuters hnenah an sawi niin him zawka lawng a kaltir tumna pakhat a ni.
Strait of Hormuz hi indo hma khan khawvel puma tuialhthei leh liquefied natural gas phurhn hmun ngaa thena hmun khat vel kalna a ni a; mahse, Iran chuan thla khat kalta atanga US leh Israel tang dunin thlawhna hmanga an ram an beih avangin lawng kal theih lohvin a khar ta a ni.
Dar-a chuan inbiaknaa telte hian Pakistan hmalakna chu rin thu an sawi a, China pawhin he hmalakna hi a thlawp tlat thu a sawi.
Turkey ang bawkin Iran nena inri, Pakistan hian Tehran leh Washington an kawmngeih ve vena hmang tangkaiin buaina chhuakah hian palai hna thawk turin a che a, Ankara leh Cairo pawh an thawhhlawk hle bawk.
Pakistan atanga thu dawnna chuan Pathian-a inbiak hma hian Egypt atanga rawtna siamte chu White House-ah thawn a ni tawh tih sawiin Suez Canal-a kal man siam pawh a tel tih a sawi.