Infiammite enkawl dan coach-te hrilh

Infiammite enkawl dan coach-te hrilh
Infiammi te zinga hliam tawk enkawl dan leh a damdawi bakah sports psychology leh training kalpui dan tur chu Sports & Youth Services department hnuaia coach ho, Scouts & Guides leh Adventure Wing staff ten Thawhlehni atang khan an zir tan a, Nilaini ah hian neih chhunzawm a ni ang.
Sports & Youth Services department buatsaih training-ah hian department coach ho bakah Khelo India State Centre of Excellence, district Khelo India Centre coach ho, Scouts & Guides leh Adventure Wing staff nen an vaiin mi 55 chuang an tel.
Training-ah hian infiammite chet that zel dan tur, hriselna, himna, ei in leh hmasawnna tur hrang hrang zir a ni dawn a ni. Resource person ah medical lama mithiam pahnih – Dr C Zonunsanga leh VL Muanpuii bakah Mizoram University atangin Dr C Lalfakzuali te hman an ni.
Department hnuaia coach-te hian Mizo thalai engemawzat training an pe tawh a; international leh national level infiammi langsar tak tak an lo chherchhuak tawh. Sports department-in Vision Olympics 2036 kalpuiin, talent haichhuah, village level coaching leh infiammite dawmkanna tur chi hrang hrang public private partnership hmangin a ngaihtuah mek. Tunhnai khan Incentive Cash Award for Meritorious Sportspersons sem ni bawkin, infiammi 416-in an dawng a ni.