Inhal chunga car hnuk thui record siam
Josef Todtling hi Austrian pa huaisen zet mai a ni a, June ni 24 khan Vienna-ah a taksa pum alh chhuak vek (full body burn) chungin car a hnuk tawlh a, second 56.42 chhungin meter 100 a hnuk thleng hman Guinness World Record a siam. A hmain hetiang record hi a la awm ngai lo a, Josef hi hetiang record siam hmasa ber a ni ta a ni.
Josef hian a pangti kang tur invenna te chu a hmang ve ngei a, mahse, hetiang hmang chung pawh hian a thil tih hi hluahawm tak, hliam na tak tawrh theihna leh thihpui mai theih a ni a, a chetsual palh takin kangthelhna hmanrua nen an inchhawp rup mai a ni.
Hetianga taksa pum, chhip atanga ke ler thlenga alh chhuak vek hi chu stunt hlauhawm tak a ni a, training tha chungchuang tak nei tan lo chuan tih ve mai mai chi a ni lo. Josef pawh hian meter 100 a hnuh thlen rualin, leiah a bawk thlawp a, kangthelhnain an thelh nghal char char a ni.
Josef hi stuntman tawnhriat nei tha tawh tak a ni a, record pawh a lo siam zauh zauh tawh a, 2013 pawh khan oxygen tel miah lo taksa zawng zawng alh chhuak vek chunga awm rei thei ber record siamin, minute 5 leh second 41 a awm thei. 2015-ah full body burn chunga lirthei hnuk tawlh thui ber record siamin, meter 582 a hnuk tawlh a, 2022-ah Italian TV show Lo Show dei Record-ah inlanin, full body burn chunga thirsakawra meter 200 tlan thleng rang ber record siamin, second 49.55 chhungin a thleng hman a, 2023 khan full body burn chunga zir wire tithui thei ber record siamin, meter 61.45 (feet 201.60) a ti thei bawk.
Hetiang mi hi a nih avangin a hming lemah pawh “Burning Joe” an phuahsak hial a ni.