KTP inkhawmpui lian thlengtu tur, Ngopa khawtlang inbuatsaihna chu Lengteng bialtu MLA Dr L Thangmawia hoin Organising Committee hruaitu, sawrkar department hrang hrang hotute leh Ngopa Village Council leh NGO hruaituten a hmunah an thlir ho.
-- Advertisement --
Presbyterian kohhran Ngopa pastor bial vawngtu, Rev. E Ramchullova kaihhruai he hunah hian MLA chuan kum 2024 inkhawmpui lian tluang taka Ngopa-in a thlen theih nan ngaihtuahna seng a, a theih chin china tang ho zel turin a sawm a. Sawrkar department officer-te pawh an hnathawh pangngai tibahlah si loa Ngopa khua tana insawrbing tur te, mihring lam inpuahchah piahlamah Pathian tanpuina nen inkhawmpui hlawhtling tak thlen theih ngei a rin thute a sawi.
Organising Committee chuan inkhawmpui an thlen tura pawimawh leh tulte bialtu MLA leh sawrkar department aiawhte hnenah hian an lo thlen a. Sawrkar aiawh officer hrang hrangten inkhawmpui atana an department inbuatsaih tawh dan leh an hmachhawp report an pe a, theihtawp an chhuah tur thu an sawi a ni.