Inkhel entu phone hman vangin referee hrem

Inkhel entu phone hman vangin referee hrem
Karliamta Zirtawpni daih tawha thil thleng kha niin, Aigupta ram second division match khelhna stadium-ah video assistant referee (VAR) awm ve ta lo chu Egyptian referee Mohamed Farouk chuan a goal leh goal loh tihchianna atan inkhel entu pakhat mo-bile phone ken lai chu a ensak a, fan-in video a lo lak hmang chuan replay a en a, goal nia lang chu goal loah a pawm a, he referee hi ‘suspend’ zui nghal a ni!
Egypt ram second tier match-ah hian Al-Nasr chuan hun tawp lamah an siphurh sutna an lawm hman a, mualneitu Suez lamin an lama goal a luh hma khan mikhual player a hanball tiin an protest ve bawk a; VAR han biakrawn mai tur awm hek lo le thawk lawkin referee chuan inkhel entu pakhatin mobile phone-a a goal lai vel a lo lak chu a ensak ta mai a, chu video clip hmang chuan thutlukna siamin, Al-Nasr goal lawm tawh chu goal leh loin a ham a, Egyptian FA lamin hremna hmasa an tarchhuak ta phawt a ni.
Tun thlatir lama Mark Clattenburg thlaka Egyptian Re-ferees Committee hotu lu ber nihna chelh thar Vitor Pereir chuan hun engngemawti chhung atan kha inkhela refereeing staff zawng zawng kha chawlhtir rih phawt an tum tih a tarlang tel.
Egyptian FA thu-chhuah chuan commi-ttee-in thil thlen dan an chhui nghal tur thu leh kha match hamtu referee Mohamed Farouk khan thutlukna siamna atan mobile phone a hmang takzet em tih an chian tur thu an sawi.
Goal pawm loh a nih hnuah Suez chuan an goal thumna thunin, mikhual Al-Nasr lakah 3-1 hnehna an chang a; inkhelh banah referee Farouk pawhin police venna hnuaiah khelmual a chhuahsan ve bawk!