Nikum chhung khan English club-te chuan tualchhunga player che vel ni lo international transfer bikah pound vaibelchhe 1.78 an seng ral a, Fifa-in a chhin- chhiah danin men’s international transfer bikah English team-te sum thehchhuah hi ramdangte sum hman let thum zeta tam a ni.
-- Advertisement --
He list tihchhuah tharah hian Italian club-te chu interna-tional transfer atana sum hmang hnem pahnihna niin, an sum hman belhkhawm hi English-ho nen a in-thlau hle a, pound maktaduai 543 an hmang tling ve chauh.
Men’s international transfer atana sum sen (transfer fee) belh-khawm hi pound vai-belchhe 5.24 tlingin, heti zatah hian sum hrawm lian zual hman-na top 10 player-te laka sum senral zat hi 12.5% a tling.
Chu’ng top 10 player zinga parukte chu English club-hoa lut an nih laiin Monaco atanga Real Madri-a Aurelien Tchouameni insuanluhna man a sang ber thung.
He France midfiel-der-in Spanish club a zawmna man hi pound maktaduai 68.3 (80m euros) bakah a beh-bawm (add-ons)-ah pound maktaduai 17 (20m euros) a la tel cheu bawk.
European club zinga nikum bika sum hmang hnem ber chu Man-chester United niin, Ajax (£82m) atanga winger Antony an lakluhna man chu top 10 list-ah hian pathumna ni phain, Real Madrid atanga midfielder Ca-semiro (£70m – £60m plus £10m in add-ons) an leina man pawhin palina a hauh pha.
List tarchhuahah Barcelona chu Euro-pean club zinga sum hmang hnem pahnihna niin, top seven luahtute zinga panga chu Premier League club-te an ni thung.
Liverpool chu pa-thumna niin, panganaah Newcastle United an awm a, West Ham parukna, Wolverhamp-ton Wanderers pasarih-na leh Manchester City pakuana an ni.
Liverpool-in Benfica atanga striker Darwin Nunez an leina sum hmahruai kha pound maktaduai 64 niin, a behbawm dangte nen pound maktaduai 85 kai chho thei turin an inrem a, kha inremna kha player list bikah pa-hnihna niin, City-in pound maktaduai 51.2 senga striker Erling Haaland an lakluhna man kha player man to pasarihna a ni thung.
Ram buai Ukraine club Shakhtar Donetsk chu player chhuahtir hnem ber niin, Russia-in an ram a run kal zel avangin player 51 tehreng an chhuahtir!
Ukraine club zawng zawngin transfer chevel an neih belhkhawm phei chu player 5,910 a kai hial a ni.
Hmeichhe game lamah pawh transfer sum chevel zat hian pound maktaduai 2.7 kai chho hialin, chu chu record a ni a, kum hmasa aia nikuma a punna hi 62% zet a ni.
Manchester City atanga Barcelona-in England midfielder Keira Walsh an leina man (£400,000 vel) kha hmeichhe game-a play-er man to ber a la ni.
Fifa tarlan danin, nikum bik khan ama-teur football-ah non-professional player 50,000 dawnin an khelhna ram sawnin ram dang club an zawm ve bawk.