Inthlanna hmanrua enfiah
Kumina MLA inthlanpui awm tura inbuatsaihna kal zelah Serchhip District Election Office EVM/VVPAT dahna leh a khawl chu a tumkhatna atan Nilaini khan district election officer, bawrhsap Nazuk Kumar kaihhruaiin enfiah a ni.
Election Commission of India-in ruahmanna a siam angin, inthlanna hmanrua – electronic voting machine (EVM) leh voter verifiable paper audit trial (VVPAT) dahna in hi endik a ni a. Political party tin aiawhte leh media mite telin, training na’na hman tur khawl thenkhat lakhran nghal an ni.
Tlai lamah EVM hman chhin theih tura phochhuahna hmun atana buatsaih thar EVM Demonstration Centre leh phurhkual theih inthlanna khawl dahna Mobile Demonstration Van chu DEO hian a hawng bawk.
EVM Demonstration Centre hi N. Vanlaiphaiah leh Thenzawlah pawh siam a ni dawn a. Mobile Demonstration Van hi inthlan hmain Serchhip district chhunga polling station zawng zawng fan chhuahpui hman tum a ni.