Intiam anga nuar lo turin ti

Intiam anga nuar lo turin ti
State Transport Authority (STA) secretary, Transport director Er R Lalrammawia chuan office order tichhuakin, commercial vehicle neitute chu permit pek an nih dawna an intiam ang ngeia mipui tana service turin a hriattir.
STA secretary chuan Mizoram Commercial Vehicle Union (MCVU) in tuialhthei man tihsan leh kawng chhia avanga lungawi loh lantir an tum chu STA-in ngun takin a ngaihtuah tih sawiin, ‘Passenger service vehicle-te permit an dilnaah sawrkar thu zawm vek turin an intiam a ni,’ a ti a. Permit pek chhuah dawnah sawrkar thu zawm tur leh nawrh huaihawt lo tura intiamin, hming an ziak vek niin a sawi.
Commercial vehicle neitu thenkhatten sawrkar ngenna pawisa lo leh an tiamna kalha nawrh an tum chu STA chuan tha a ti lo hle tih sawiin, ‘Commercial vehicle neitu zawng zawngte chu mipui tana harsatna siam zawnga nuar loa, an intiam ang ngeia mipui tana service tura ngen leh hriattir an ni,’ a ti.