Intihlim tura kal Tuipuiah tlahlum

Siaha-a lehkha zir rawlthar pakhat chu November 5 chawhnu khan Chhimtuipui Kawlchaw luiah a tlahlum.
Thudawn danin Adventist English Academy Siaha-a hostel-a awm, pawl 10 zirlai Lalpekhlua (16), Niawhtlang, Siaha district chu Pathianni khan an warden-te nen Kawlchaw luiah an kal a. Chawhnu dar 2.30 vel khan tui cheng turin an lut a, an zuanthlakna hi livir lai a nih avangin an talbuai zui ta mai nia sawi a ni. Lalpekhlua hi a thianten chhan tumin tuiah an zuanglut a, an talbuai zui ve a, an ni erawh a bulhnaia awmten chhan hmanin a ni hi an chhan hman ta lo a ni.