I&PR minister hluiin IIS tlingthar lawmpui

I&PR minister hluiin
IIS tlingthar lawmpui
MNF senior vice president Dr R Lalthangliana chuan Information & Public Relations minister a lo nih tawhna angin tun hnaia Indian Information Service (IIS) tling thar Andrew Lalchhandama, DD Aizawl-a assistant news editor chu Ningani khan DDK office-ah chawimawina leh lawmpuina thuziak a hlan.
Hemi puala hun hmanah Dr R Lalthangliana chuan, thangkhat lian zet zawt Mizo zingah central service-a tling kan awm tawh loa, vawiina hlawhtlinna kan chang hi a lawmawm takzet tih sawiin, Mizo thalai leh lehkha zir mek tan entawn tlak leh chona nasa tak a ni tih a sawi.
“UPSC kaltlanga India ram pumah ST quota pakhat chauh IIS awmah Mizo kan tling thei hi a ropui takzet,” tiin, a service chhung zawnga tluang taka a kal theihnan leh, ram leh hnam tan a thiamna leh theihna hmang zel turin duhsakna a hlan tih a sawi a ni.