Islam hel ho hi engmah an nilo – Al – Issa

Khawvel pum huapa Muslim League-a an hotupa ber Mohammad Bin Abdulkarim Al-Issa chuan ni nga cham turin Ningani khan India ram a rawn lut a, Zirtawpni khan hel pawl chi hrang hrangte chu sawiselin innghirnghona leh khawvel huap indona chungchanga a ngaihdan te a sawi chhuak. ANI News Agency hnena a sawi danin, heng hel pawlte hian sakhaw lak ahanga inlak hran an tum ber thu uar taka sawiin, “Islam sakhua leh hel pawlte hian engmah inkungkaihna leh tihtur an nei lo” tiin a sawi a ni.
Muslim hruaitu lu ber chuan Ningani khan Delhi-a Akshardham temple tlawhin muanna leh inhmangaih tawnna a lo awm theihna turin kan innghirngho chhan te chu kan theihnghilh tur a ni, tiin a sawi.
Al-Issa chuan, “Heng hel pawlte hian anmahni lo chu tu ai mah awh an nei lo va, sakhua leh ka ram tihtur pawh an nei lo,” tiin a sawi a, chung hel ho bei tur chuan Saudi Arabia ram chu hmun pawimawh tak a nih thu a sawi. Khawvel huapa Muslim chuan heng hel ho pawl te ngaihdan hi ti tawp turin nasa takin a beih mek thu a sawi bawk. Al-Issa hian khawvel huap Muslim League-a Secretary General hna a chelh hma kum 2016 khan Saudi Arabia ram Cabinet Minister niin Minister of Justice hna a chelh a ni.
Delhi-a Swaminarayan Akshardham temple a tlawh hnuin Muslim League hotu chuan India ram a ngaihsan thu leh hnam chi hrang hrang ram khata chen hona (unity in diversity) a nihzia entirtu ropui tak tiin a fak hle a ni.