Israel-in Gaza City hmun hnih a beihnaah mi 20 vel thi

Israel-in Gaza City hmun hnih a beihnaah mi 20 vel thi
Israeli-ten Gaza City-a kawtthler pakhata thingpui dawr lun tak leh bazar a kahnaah Palestinian 20 vel an thi niin damdawi thiamten an sawi.
Social media-a video thehdarhah chuan hmar lama Rimal venga Thailandy thingpui dawr, tun hnaia vantlang ei siamna atana hmana dawhkanah chuan thisenin a bual mi an thal phung tih a lang.
Metre 60 chuang hreta hla bazarah pawh khawlaia naupang, rucksack ak chunga a let reng lai a lang bawk.
Israeli sipaite chuan he thil thleng hi report kimchang an ngaichang mek tih a sawi.
A hmain tual chhung damdawi inte chuan Thawhlehni zana beihnaah mi 59 vel an thi tih an sawi a, a tam ber chu sikul pahnih, baihvai chhungkuaten awm nana an hmana mite an nih thu an sawi.
Gaza laili, UN-in a enkawl Abu Humeisa sikula Bureij refugee camp-ah mi 33 thi zingah hmeichhia leh naupang eng emaw zat an tel a, Thawhlehni khan vawi hnih bomb a ni tih Hamas enkawl, Civil Defence agency chuan a sawi.
Israeli sipaite erawh chuan an kah hi ‘Hamas command-and-control centre hnuaia mi firfiakte’ an nih thu an sawi ve thung.
Nilaini tuka Gaza City khawchhak lam, Tuffah venga al-Karama sikul beihna chungchang erawh sipaite hian an sawi lo va, Civil Defence chuan mi 15 an thi niin an sawi.
Chhim lama Khan Younis khawpuiah pawh chhungkaw khata mi pariat an thi niin agency chuan a sawi bawk.
Israel-in thla 19 zet indona a kalpui hnuah Hamas bei zui zel turin huang zau leh na zawka chet a tum mek laia thleng a ni a, Israel hmalak tum dan hi khawvel ram eng emaw zatin an dem.
Israeli thuneitute chuan an ruahmannaah chuan Gaza hi lak veka Palestinian baihvaite pawh chhim lama nawr khawm an tum tih an sawi a, puihna thil pawh mi mal company nena tih an tum bawk.
Israel hian Gaza-a puihna luhna chu March 2 atang khan kharin chawlhkar hnih hnuah thla hnih awh inkahhai a tawp rualin a bei zui leh a, Hamas-ten an mi hrente an chhuah ngei theih nana an nawrna a nih thu an sawi.
Israeli sipaite hian Hamas-in October 7, 2023-a ramri kâna beia mi 1,200 chuang an thah leh hren tura mi 251 an hruai phuba lak nan an bei let.
Hemi hnuah hian Gaza-ah hian mi 52,653 an thi tawh niin Hamas hnuaia health ministry chuan a sawi.