J.Lo-i’n a pasal nena in\hennaah eng nge a phut?

Jennifer Lopez chuan a pasal Ben Affleck nen kum hnih an inneih hnuah court-ah inthen dilna a theh lut a, a lehkha theh luhah chuan Ben Affleck hnen atanga engmah phut a neih loh thu tarlangin, chutiang bawkin Ben Affleck pawhin alak atanga beisei a nei a nih pawha hnawl sak turin judge a ngen nghal a ni.
Lopez hian inthen dilna hi August ni 20 khan Los Angeles County Superior Court-ah a theh lut a, Affleck nen hian an inneih hmain inthen palh pawha inremsiam lawkna (prenuptial agreement) engmah an nei lo va, hei vang hian an ram danah July 2022-a an inneih atanga an sum thawhchhuah zawng zawng chu nupa kara an sum intawm anga ngaih tur a ni. Lopez hian an nupa awmhran hun hi April ni 26, 2024 angin a tarlang.
J.Lo hian a hming pawh thlak a dil tel nghal a, tunah chuan a hming official chuan Jennifer Lynn Affleck a ni a, hei hi a hming pangngai, Jennifer Lynn Lopez tia thlak leh a dil nghal bawk a ni.