Jaishankar leh Wang Yi ten inbiakna nei

External Affairs Minister S. Jaishankar leh Chinese counterpart Wang Yi te chuan July 4 khan eastern Ladakh a border issue la chinfelloh te chu diplomatic leh military channel hmanga chinfel dan tur zawnga hmalakna nasa zawka kalpui ni se an ti.
Kazakh capital-a Shanghai Cooperation Organisation (SCO) summit neihna penga inhmuhna an neihah Wang chuan Line of Actual Control (LAC) zah chu border area-a remna leh muanna awm theih nana tihmakmawh a ni tiin a sawi.
External Affairs Minister pawhin India chuan ram pahnih inlaichinna chu inzahtawnna hmanga kalpui tur a ni a, duh inang leh inngaihven tawna inzah taka kalpui ngai a ni a ti.
Eastern Ladakh-a border chungchanga buaina hian kumin May thla khan a kum ngana hmel a hmu tawh a ni.
“CPC Politburo member leh FM Wang Yi nen inhmuhna kan nei a. Border area la chinfel loh te chinfel dan zawn ni se kan ti a. Diplomatic leh military channel-a hmalakna a leta tihpun nise kan ti” tiin Jaishankar chuan X post a siamah a tarlang.
India chuan China nena inlaichinnaah border area chinfel a nih loh chuan inlaichinna tha tak tak a awm thei ngai dawn lo tiin a sawi reng a ni.