JB album thar ‘Swag’

JB album thar ‘Swag’
Justin Bieber chuan a album thar ‘Swag’ tih chu an rama Ningani zanlai, keini tana Zirtawpni chhunah khan a tlangzarh deuh thut a, a album thar tlangzarh tur chungchang hi sawi lawk em em pawh a awm lo va, zan tir lamah billboard leh social media velah album a tlangzarh dawn tih rinzawn theih turin boruak a nei a, a hnu lawkah a album thar a tichhuak zui ta nghal a ni.
‘Swag’ hin Bieber-a studio album pasarihna niin, 2021-a album ‘Justice’ hnua album a tlangzarh leh vawi khatna a ni a, fa a neih hnua a album hmasa ber a ni bawk.
He album hi hla 21 awmna niin, Def Jam Recordings chuan, “Pasal leh a fa tana pa a nihnaa a inpekna tarlanna a ni a, a music tihchhuah tawhah chuan a mimal nun inphawrh nasatna ber a la ni ang,” tiin an tarlang.
He album a hla awmah hian ‘Dadz Love,’ ‘Forgiveness,’ ‘Devotion,’ ‘All I Can Take,’ tih leh ‘Walking Away’ tih te pawh a tel
Grammy Award pahnih dawng tawh Bieber hi rimawi khawvelah a thawm a reh rei hle mai a, chutihrualin tunhnaiah a mimal nunah harsatna a nei niawma ngaih theih turin thil thleng a awm ta zauh zauh a, a insawifiahna social media lama hmuh tur pawh a awm fo mai. 2023 khan a album paruk tihchhuah tawh a music rights te chu UK-a hmunpui nei music investment company Hipgnosis hnenah dollar maktaduai 200-in a hralh a, hetianga a music rights a hralh avang hian sum leh pai a tlachhia niawma sawi thawm te pawh a tam hle a ni.

Get real time updates directly on you device, subscribe now.

Leave A Reply

This website uses cookies to improve your experience. We'll assume you're ok with this, but you can opt-out if you wish. Accept Read More