K-pop group BTS member Jimin chuan ni 393 chhung lekin Spotify-ah vawi tluklehdingawn stream a hlawh hman a, K-pop mipa solo artist zingah Spotify-a hetiang zat stream hlawh rang thei ber record a siam. A hmaa hetiang record siamtu chu BTS member tho Jungkook a ni a, ani hian Jimin aiin ni 16-in vawi tluklehdingawn stream hlawh turin hun a duh rei zawk a ni. Jungkook pawh hian record hi thla hnih kaltaa a siam kha a ni.
Jimin hian a album, hla paruk awmna FACE chu March ni 24 khan Spotify-ah a upload a, a hla ‘With You’ featuring Ha Sung-woon, ‘VIBE’ (TAEYANG featuring Jimin), ‘Set Me Free Pt. 2’ leh ‘Angel Pt. 1′ (featuring Kodak Black, NLE Chopra, JVKE & Muni Long)’ te hian a vawrh lar hneh hle a ni.
Hei bakah hian album dang, hla panga awmna ‘Like Crazy’ a nei tawh bawk a, a singles 2018-a a tlangzarh ‘Promise’ leh 2020-a a tlangzarh ‘Christmas Love’ te a nei tawh bawka, mahse, heng ho hi chu Soundcloud-ah chauh a awm ve thung.
An group, BTS ang pawhin record an siam nual tawh a, March ni 3 thleng khan an music te Spotify-ah vawi 31,96,00,00,000 stream a ni tawh a, mipa group zinga Spotify-a stream nasat ber an ni a, Instagram-a music group zinga follower ngah ber, music group zinga Twitter-a follower ngah ber, music group zinga TikTok-a follower ngah ber niin, darkar 24 chhunga YouTube-a music video entu ngah ber bakag darkar 24 chhunga Spotify-a hla stream nasat ber leh K-pop act zingah US albums chart-a No.1 album nei thei hmasa ber record te pawh an lo siam tawh a ni.
Jimin-a’n Jungkook record khumin streaming record thar a siam
Get real time updates directly on you device, subscribe now.
Next Post