Nilai zinga NBA regular season khelhah Denver Nuggets chuan point 133-112 in Houston Rockets an hneh. Rockets an hneh tum hian Nuggets player pawimawh Nikola Jokic chuan triple-double a puitlin.
Player tha, MVP vawi hnih ngawt ni tawh Nikola Jokic hian Hosuton Rockets an hneh tum hian point 14 a thawkchhuak a, ball sawhlet vawi 11 a dawn tlin bakah assist vawi 10 nei tling bawkin tripple-doubbles a puitlin. Kum 28 mi Jokic hian NBA-ah triple-doubles vawi 100 a puitlin ta chiah a, NBA-ah triple-doubles vawi 100 puitlin thei parukna chiah a ni. Jokic hian season kal mekah triple-doubles vawi 24 a puitlina chiah a ni a, season kal mekah hian chawhrualin game tinah point 24.6 zel thawkchhuak a, ball sawhlet vawi 11.7 dawng ziah ang leh assist vawi 10 nei ziah ang a ni.
NBA-ah hian triple-doubles ngah ber chu LA Clippers player ropui Russell Westbrook niin 198 zet triple-doubles a puitlin tawh a. Westbrook bakah hian Oscar Robertson (181), Magic Johnson (138), Jason Kidd (107) leh LeBron James (106) te chu Nikola Jokic aia triple-doubles ngahte an ni.
Nilai zingah inkhel dangah Milwaukee Bucks an chetha chhunzawm zel a. Khelh 15 chhung an chak zawnna ni turin Bucks hian an khingpui Brooklyn Nets chu point 118-104 in an hneh. Nets an hneh tum hian Bucks player pawimawh Giannis Antetokounmpo chuan point 33 a thawkchhuak. Inkhel dangah Golden State Worriors chuan point 123-105 in Portland Trail Blazers an hneh a, game 16 zet tlawm zawn tawh San Antonio Spurs chuan Utah Jazz lakah hnehna an chang ve nawlh bawk.
Jokoc-a’n Nuggets a chakpui
Get real time updates directly on you device, subscribe now.
Prev Post