July 31-ah zirlaibu sem kim loh chuan MZP-in chet tum

Sawrkar school-a zirlaiten a thlawna zirlaibu an dawn tur chu kumin July 31 thlenga an la dawng kim lo fo a nih chuan hma lak zui an tum tih Mizo Zirlai Pawl chuan an sawi.
MZP Gen. Hqrs. thuchhuak chuan, zirlaibu a thlawna sem tur la sem zawh loh chungchanga hma lak tura an lo rel tawhnaah RTI hmanga zawhna chhan danah school 1270-in an la dawng lo tih hmuhchhuah a ni tih a sawi a. Printing & Stationery minister Pu F. Rodingliana ‘n an hmu tawh a; Education minister pawh sawipui tura hmuh tum niin, an hmuh theih loh avang leh chinfel dan kawng zawng thuai loin sawrkar hmasa dem zawng ringawtin tawngkam a nei tih a sawi.
2024 July 31(Nilaini) ral hma ngeia zirlaite chanvo, a thlawna lehkhabu dawn tur an la dawng kim lo a nih chuan na taka hma lak an tum tih a sawi.