Thawhlehni khan Supply minister B Lalchhanzova hoin ZPM Gen. Hqrs hruaitu thenkhat leh MZP Gen. Hqrs. hruaitu leh Mizo Convention (Youth Wing) Tripura aiawhte chuan Zomuantlang khuaa chengte ration card paihsak chungchang an sawikhawm.
Zomuantlang khuaa ration card neitute hi kum 2022 atang khan endik an ni a. Mitthi leh document fel lo paih an ni nual tawh a; tunhnaia Zomuantlanga chhungkaw 80 dawn paih anga mi thenkhatin an sawi chu a dik lo, tih sawi niin, ration card hi computerised a nih tak avangin card hi a neih double theih loh a, tuna ration card paihsak tak chhungkaw 13 hi Tripura lama card nei, Mizoram nen card a neih double theih tawh loh avanga paih an ni tih sawi a ni.
Hemi chungchangah hian Supply minister hoin ZPM party hruaitute leh MZP hruaitute chuan a hmuna endik tura tih a ni.
Ration card nei double paihsak
Get real time updates directly on you device, subscribe now.