Justin Bieber-a’n a nupui nena an inkar a sawifiah

Justin Bieber-a’n a nupui nena an inkar a sawifiah
Tunhnaiah Justin Bieber leh a nupui Hailey Bieber te inlaichina a fuh vak lo a, an karah neuh neuh awmin, inthen an hnaih niawmin thu a thang fo a, hetiang boruak hi vuak daih nan a ti ni maw Justin Bieber chuan Instagram-ah a nupui a hmangaih thu puangin “my forever n always” thlalak a post caption-ah a hmang.
Justin, kum 31, hian tlai ni tla tur thlira thuin, a mal chunga Hailey pawmin, Hailey-i’n kuah hle hle lai thlalak a post a, hei bakah hian thlalak dang pathum a post tel bawk. July ni 6-a a Instagram post hi an nupa inkar boruak sawifiah nan a tih a nih duh hmel khawp mai, heart emoji a dah tel nual bawk.
Tunhnaiah an nupa inkar rinthu chi hrang hrang a tam a, hei hi a kham ta ngang a nih hmel a, an nupa inkar a tha tihlanna tur ang chi post a siam ta zauh zauh a, Hailey pawhin June ni 22 khan an inneih zungbun a bun lai langsar taka tilangin, a hmui a chei lai video a post tawh a, a hma ni chiaha inneih zungbun bun lo a New York City khawlaia a kal lai thlalak a darh avangin an nupa kar thu a chhe ta niawmin thu a thang nghal chiam a, chumi tihreh nan chuan a rawn che ve leh nghal a ni.