Justin Bieber & Nicki Minaj ‘Beauty and a Beat’ a lar ber
Justin Bieber & Nicki Minaj ‘Beauty and a Beat’ a lar ber
Justin Bieber chuan a Coachella performance a chhawr hle a, a hla te a lar thar leh a, a hla hlui “Beauty and a Beat’ featuring Nicky Minaj chu Billboard Global 200 chart-ah No.1 a kai ta a, Bieber tan he chart-a No.1 kai thei hla pathum a neihna niin, Minaj tan a vawi khatna a ni ve thung. Hetihrual hian Michael Jackson biopic ‘Michael’ an tlangzarh pawhin a hla a tilar thar leh a, ‘Billie Jean’ chu chart top 10-ah a lang ve ta bawk.
Billboard Global 200 chart hi kar khat chhunga khawvela hla lar dan tehna niin, chart ranking siam nan hian khawvel ram hrang hrang 200 chuanga official only streams (subscription leh ad-supported audio leh video music services) leh download sales te chu tehna pawimawh a ni.
Justin Bieber “Beauty and a Beat’ featuring Nicki Minaj hian kar khat chhungin khawvel huapin stream maktaduai 69.6 leh download sales 13,000 nei lehin, chart No.1 a rawn kai ve leh ta a ni. He hla hi 2013 khan Billboard Hot 100 (US singles) chart-ah No.5 te pawh a lo kai tawh a, April ni 11, 2026-a Coachella-a a performance-ah he hla hi a rawn sa lar thar leh ta a ni.
Billboard Global 200 chart hi September 2020 aTanga an tih Tan chauh a ni a, Bieber-te lar vanglai a nang hman lo a, hei vang hian e chart-a No.1 kai thei hla pawh a nei tlem riau. Heti chung ian The Kid LAROI nena an zai dunna ‘Stay’ chu August 2021 khan No.1 kaiin, kar 11 chhung a No.1 zui a, ‘Peaches’ featuring Daniel Caesar leh Giveon pawh April 2021-ah kar hnih a lo No.1 pui tawh bawk.
‘Beauty and a Beat’ hi Krismas rimnam hla ni loah chuan Billboard Global 200 chart-ah a hla an tlangzarh aTanga kum 10 hnua No.1 kai leh thei pahnihna a ni a, 1985-a tlangzarh Kate Bush ‘Running Up That Hill (A Deal With God)’ chu Netflix series hit zet mai Stranger Things soundtrack a an hman avanga rawn lar tharin, 2022 khan kar thum a rawn No .1 ve tawh bawk a ni. Krismas hlaah chuan 1994-a tlangzarh tawh, Mariah Carey ‘All I Want for Christmas Is You’ leh, 1984 a tlangzarh, Wham! “Last Christmas’ te an No.1 tawh bawk.
Chart No.1 hlui BTS ‘Swim’ chu No.3 aTangin No.2 a kai thar leh ta a, Olivia Rodrigo ‘Deop Dead’ chu No.1 aTangin No.3-ah a tawlh a, Tame Impala leh JENNIE ‘Dracula’ chu No.4-ah bawk awm lein, Justin Bieber hla dang ‘Daisies’ chu No.5-ah bawk a la awm.
Michael Jackson biopic ‘Michael’ chu April ni 24 khan cinema hall-ah an chhuah Tan a, hei vang hian Michael Jackson hla a rawn lar thar leh a, ‘Billie Jean’ pawh hi stream 102% a pungin, kar khat chhungin stream maktaduai 36.7 leh sales 3,000 a tling a, hei hi chart No.65 aTangin No.8-ah a invawrh pui ta a ni. He hla hi 1983 khan Hot 100-ah kar sarih a lo No.1 tawh a, khawvela album ropui berte zinga mi Triller album a la hit a ni a, Michael Jackson hlaah chuan Billboard Global 200 chart top 10-a lang thei hmasa ber a ni.
Billboard Global 200 Top 10:
1 Beauty And A Beat – Justin Bieber Featuring Nicki Minaj
2 Swim – BTS
3 Drop Dead – Olivia Rodrigo
4 Dracula – Tame Impala & JENNIE
5 Daisies – Justin Bieber
6 Babydoll – Dominic Fike
7 Choosin’ Texas – Ella Langley
8 Billie Jean – Michael Jackson
9 Man I Need – Olivia Dean
10 Ordinary – Alex Warren