K-pop idol zinga Google-a zawn hlawh ber Kim Taehyung

BTS member, Kim Taehyung, V tia hriat lar chu khawvel huapin K-pop idol leh Asian artist zinga Google-a zawn nasat ber a ni. Google-in 2024 kum chanve kan hman zawh tak chhunga Google thil zawn nasat zual list an tihchhuah hi January ni 1 leh June ni 30, 2024 inkar data atanga en a ni.
V hi South Korea sipai-ah tang mekin, promotional thil hrang hrangah thawm a nei thei rih lo nain a larna a chuai thei tak tak chuang lo a ni ber. A sipai tanna atangin thlalak a tichhuak ve zeuh zeuh a, a sipai tan hmaa a hla record, digital single ‘FRI(END)S’ a tichhuak bawk a, hengte avang pawh hi a ni ang, fans lamin an la ngaihven reng a ni.
Google list-a hian BTS member dang Jung Kook-a’n V hi a dawt a, pathumna cuhu soloist IU niin, K-pop hmeichhe lama zawn nasat ber chu IU a ni nghal bawk. IU hi BLACKPINK member Lisa leh Jennie ten dawtin, top 5-ah an lang ve bawk.
ASTRO member Cha Eunwoo chu No.6 a ni a, BTS member dang Jimin, Suga, Jin leh RM ten dawttin, BLACKPINK member Jisoo le Rose, aespa member Karina, Stray Kids member Hyunjin leh IVE member Wonyoung te chu top 15-ah an lang bawk.